Analarda bel, çiyin və kürək ağrıları üçün 8 çalışma

Analarda bel, çiyin və kürək ağrıları üçün 8 çalışma

- Bölmə: İdman
2833
0
@vib.az

analarda-kurek-agrilari

Əmizdirən və körpəsini qucağında gəzdirən anaların əksəriyyəti bədənin yuxarı nahiyyələrində-boyun, kürək, bel və qollarda gərginlikdən yaranan ağrılardan şikayət edirlər.

Bu gərginlik əsəbilik, başağrıları, yorğunluğa səbəb ola bilər. Adətən isti düş, boyun, kürək və bel massajı bu gərginlikləri rahatlaya bilər. Lakin ən effektiv metod göstərilən nahiyyə əzələlərinin dartılması üçün edilən idman çalışmalarıdır.

Dartınma çalışmaları yavaş-yavaş edilməli və ağrısız olmalıdır. Dartınma üçün geniş yer seçilməlidir ki, rahat hərəkət etmək mümkün olsun. Dartınma mövqelərini 30 saniyə müddətində saxlamağa çalışın. Əzələləri bərpa etmək üçün çalışmaları dəfələrlə təkrar etmək gərəkdir.

Yuxarı nahiyyələr üçün tövsiyyə edilən idman çalışmalar çox sadə və edilməsi az zaman tələb edir.

Qapıarası dartınma
Qapıarasında dayanın, əllərinizi bilək və dirsəklərə qədər olan hissəni hər iki tərəfdən divara dirəyin. Sağ ayağınızı bir addım irəli qoyun və sinənizi qabağa itələyin. Sinənizlə dərindən nəfəs alın. Çiyin və sinənizi boşaldıb rahatlayaraq nəfəsinizi buraxın. Növbəti hərəkətləri əllərinizi müəyyən qədər yuxarı qaldırıb çalışmaları bir neçə dəfə təkrar edin.

qapiarasi

Pişik və İt
Sanki iməkləmək mövqeyi alın. Diz və baldırlanızı aralayın, nəfəs alaraq başıızı yuxarı qaldırıb baxın və belinizi döşəməyə tərəf qabardın. Başınızı aşağı əyərək, kürəyinizi yuxarı doğru qabardın və nəfəsi buraxın. Bir neçə dəfə təkrar edin.

pishik
it

Körpülər
1. Kürəyiüstə döşəməyə uzanın. Çiyin və əllərinizi səmaya açıq vəziyyətdə döşəmədə rahatlayın. Başınızı döşəməyə dirəyərək və dirsəkləri döşəmədən ayırmamaqla çiyin və kürəyinizi yuxarı qaldırıb tavana doğru qabardın. Təkrar edin.

korpuler1

2. Kürəyi üstə uzanın. Dərindən nəfəs alıb baş, çiyin və kürəklərinizi döşəməyə sıxaraq, beldən aşağı nahiyyəni yuxarı doğru qaldırın, ehtiyatla və yavaş-yavaş aşağı saldıqda nəfəsi verin. Təkrar edin.

korpuler2

Kürəyin dartılması
Üzüstə döşəməyə uzanın. Ovuclarınızı döşəməyə dirəyərək, dərindən nəfəs alıb bədəninizin yuxarı hissəsini qaldıra biləcəyiniz qədər qaldırın. Döşəməyə uzanıb nəfəsi verin və yenidən təkrar edin.

kureyin dartilmasi

Bel və boyunun dartılması
Döşəməyə oturub. Sol ayağı uzadıb, sağı onun üzərində atlayıb döşəməyə qoyun, əllərinizlə qatladığınız ayağın dizini tutaraq boynunuzu eyni ayağın istiqamətinə tərəf maksimal qədər çevirərək dartın. Digər ayaq və digər tərəflə təkrar edin.

bel-boyun dartilmasi

Çiyinlərin və qolların dartılması
Müəyyən qədər çətin olsada, dartına biləcəyiniz qədər etməyə çalışın. Üzüstə döşəməyə uzanın, sonra qalxıb əllərinizlə ayaqlarınızdan yapışmağa çalışın. Qalxarkən nəfəs alın və uzanarkən verin. Bir neçə dəfə təkrar edin.

ciyin-qollarin dartilmasi

Hazırladı: Səltənət Zülfüqarova
İlyustrasiya: Alyona Hacimuradova

Facebook Comments

Şərh əlavə et

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir